Pinagtawanan na lang ng veteran broadcasters na sina Anthony Taberna at Mariz Umali ang pagkakadawit ng kanilang mga pangalan sa kontrobersiyang kinahaharap ngayon ng Kapamilya stars na sina Anthony Jennings at Maris Racal.
Noong December 3, 2024, isiniwalat sa publiko ng non-showbiz girlfriend ni Anthony na si Jamela Villanueva ang lihim na relasyon nina Maris at Anthony habang sila pa umano ng aktor.
Bilang patunay, naglabas pa ng screenshots si Jamela ng palitan ng private messages nina Anthony at Maris, kabilang na rito ang ilang maseselang usapan nila.
Indikasyong nagtaksil sa kanya si Anthony kung kaya’t nagdesisyon si Jamela na tapusin na ang halos pitong taon nilang relasyon.
Dahil sa inilabas na screenshots ni Jamela, patuloy ngayong pinagpipiyestahan online sina Maris at Anthony.
Ngunit bukod sa dalawa, pinagkatuwaan din ng netizens na idawit ang pangalan ng broadcasters na sina Anthony Taberna at Mariz Umali, dahil katukayo nila ang magka-loveteam na sina Maris at Anthony.
Iba’t ibang memes ang naglipana sa social media na makikita ang mukha nina Umali at Taberna.
Narito ang ilan sa mga ito:
Photo/s: Screengrab on Facebook
Photo/s: Screengrab on Facebook
Photo/s: Screengrab on Facebook
CONTINUE READING BELOW ↓
ANTHONY TABERNA’S HILARIOUS RESPONSE
Nakarating kay Taberna ang pagkakadawit niya sa katukayong si Anthony.
Sa Instagram account ni Taberna nitong Huwebes, December 5, ipinost niya ang screenshot ng post ng isang netizen na pinaghihinalaang siya ang “Anthony” na kaparehas ni Maris.
Dahil sila ni Umali ang nasa litrato, tinag ni Taberna sa kanyang post ang Kapuso journalist.
Kalakip ang caption na (published as is): “Pambihirang patis! Hindi kami [laughing emoji] #kapangalanlang #kapuso #kapamilya #kaulayaw #nolimetangere.”
MARIZ UMALI REACTS
Sa comments section ng post ni Taberna ay nag-reply si Umali, na katukayo naman ni Maris.
Aniya, “Gulat ako eh haha.”
Maraming netizens ang natuwa sa hirit na ito nina Taberna at Umali.
Sa comments section ng post ni Taberna ay bumuhos ang komento ng netizens at ilang celebrities na natuwa sa kanilang naging pagbuwelta.
Komento ni Kathleen Hermosa (published as is), “GRABE!!! Kalokang anak ng patis!!! Things get crazier around here. Love it!!!!”
Saad pa ng isang netizen (published as is), “HHAHAHAHAHA damay damay na to!!!”
Sabi pa ng isa (published as is), “Hahaha! Iba talaga humor ng mga Pilipino! Damay damay na daw po! Basta kapangalan! Hahahahaha.”
“Bakit kasi Anthony at Mariz ang pangalan niyo, damay tuloy kayo,” dagdag pa ng isa.
Maris Racal breaks silence amid CHEATING controversy
Samantala, makalipas ng ilang araw mula sumambulat sa social media ang rebelasyon ni Jamela, binasag na sa wakas ni Maris ang kanyang pananahimik.
Ngayong Biyernes, December 6, nagdesisyon si Maris na magsalita sa ABS-CBN News para depensahan ang kanyang sarili at ipaliwanag ang kanyang panig.
“Today, I will be speaking from my heart. Lahat ng sasabihin ko ay galing sa puso ko.
“Today I will take accountability for everything. Nagkamali ako and I wanna say sorry for everything that I have done,” pagsisimula ni Maris.
Sumunod nito ay isa-isa nang inilahad ni Maris ang mga kaganapan na nagpalapit sa kanila ni Anthony sa isa’t isa, at naging dahilan ng pakikipaghiwalay niya sa dating boyfriend na si Rico Blanco.
Pagbabalik-tanaw niya: “It all started last June of 2024. I was in a very dark place.
“I was lonely and I was getting attention from Anthony. The kind of attention that I needed.
“When I sensed that there was this brewing attraction between Anthony and I, nadala ako sa emotions ko. And I knew that was wrong.
“I came clean right away, I told my ex everything and I admitted things to him. And then we broke up.
“It wasn’t easy. It was very hard for me, too.
“I announced the breakup.
“The reason why I became emotional during the interview because I was holding back the truth. Yun ang totoo.
“I wasn’t really able to simmer down. I wasn’t able to reflect on what had happened. I was working every day for days straight, weeks straight, months straight.”
Nagsimula ang pagiging malapit nina Maris at Anthony nang maging magkatambal sila sa Kapamilya drama series na Can’t Buy Me Love.
Dahil sa tagumpay ng kanilang tambalan ay pinagsama silang muli sa upcoming action series ng ABS-CBN na Incognito at sa MMFF 2024 movie ni Vice Ganda na And The Breadwinner Is…
Dahil sa araw-araw nilang pagsasama sa trabaho ay lalong napalapit sa isa’t isa sina Maris at Anthony.
Inamin ni Maris na tuluyang nahulog ang loob niya sa kapareha, dahil na rin sa ipinapakitang pagpapahalaga sa kanya ni Anthony.
Ngunit paglilinaw ni Maris, hindi raw niya alam na mayroon pa palang nobya si Anthony noong nagkakausap sila ng aktor.
Ang sabi raw kasi sa kanya ni Anthony ay nakipag-break na siya kay Jamela noong mga panahong nakipaghiwalay na rin si Maris kay Rico.
Saad niya: “Bago nagsimula yung dami ng trabaho namin, I told Anthony that I broke up with my ex. And he also said the same thing.
“Mind you, I was in a very lonely place. I’m so lonely.
“I was so vulnerable at that time. Like everybody na kaka-break lang, you would be so vulnerable.
“I was working every day at sa lahat ng trabaho na yon, kasama si Anthony.
“Aaminin ko, sa araw-araw na pagtatrabaho namin, nahulog din yung loob ko.
“He would say things to me. He would kiss me on the set in front of other people.
“He would tell all the people who are close to me that he was single.
“So I was confident to act a certain around him on the set, because in the eyes of the people there, we were both single.”
Dahil alam ni Maris na parehas na silang single ni Anthony, mas lalo raw naging espesyal ang pagtingin nila sa isa’t isa.
Mas lalo raw nila nakilala ang isa’t isa nang magtungo sila sa Italy noong September 2024, kasama ang iba pang cast ng upcoming teleserye nilang Incognito.
Pagtatapat ni Maris, “Dun nag-start naging deep yung pagkakakilala namin sa isa’t isa. I really fell.
“Nung pauwi na kami from Italy, it was my birthday. We were stuck at the airport the whole day.
“He would say things to me that are sweet. He would say promises. We would tell promises to each other.
“And then, nung pauwi na ng Italy, I felt so happy that I had to post something on my IG Story just to appreciate him during that day.”
Ang buong akala raw ni Maris noong mga panahong iyon ay break na si Anthony at ang partner nitong si Jamela.
Lahad ng aktres: “And then pagkauwi ko, I think the next two days, I saw a post or a repost ni Jam on TikTok. Nakita ko lahat yon.
“And at that time, yung time frame na yon, na sa screenshots din na nangumusta ako. I said, ‘Kumusta si Jam?’
“Nangumusta ako kay Jam, it wasn’t because dahil alam ko na sila pa. Dahil alam ko she was going through something and Anthony had to take care of her.
“But at that time, nagtatrabaho pa rin kami and he would still be the same way to me.
“I would ask him, God knows I asked him, ‘Nagkabalikan ba kayo?’ He said no.
“‘Do you still love her?’ He said no.
“He would say things na ako ang gusto niya and all.
“I really asked him so many times.”
Dahil sa patuloy na batikos kay Maris, hiniling daw niya kay Anthony na maglabas na ito ng statement para sabihing wala na sila ni Jamela.
Ngunit hindi raw nagpatinag ang aktor at palaging sinasabi sa kanya na hahanapan niya pa ng tamang tiyempo.
Naniwala at nagtiwala raw si Maris sa sinasabi noon ni Anthony hanggang sa mangyari na ang pagpu-post ni Jamela sa private conversation nila ng aktor na labis daw niyang ikinagulat.
Lahad niya: “Ilang days na ang lumipas, the screenshots.
“When I saw, when I read it, that was 10 P.M. on a Tuesday night.
“When I read it, I was gutted. I was shocked.
“I’m truly, truly embarrassed dahil nakita ng tao lahat ng yon without my consent, against my will.
“I read the screenshots over and over and over again.”
Dahil sa mga nabasa niya ay napagtagpi-tagpi raw ni Maris ang mga pangyayari.
“Ang pinaka-shock ako dun, I read it, it was the perfect narrative that there was this other woman, that there was this apologetic boyfriend, and the avoidant boyfriend turns the other woman and the scorned woman.
“That’s the narrative. That’s her [Jamela] side of the story. And there’s nothing wrong with that.
“But this is my side. This is my side.
“And upon reading those screenshots, dun ko napagtagpi-tagpi lahat na kaya pala hindi siya [Anthony] makapag-release ng statement dahil sila pa pala this whole entire time,” saad ni Maris.
Napagtanto rin ni daw ni Maris na pareho silang “clueless” ni Jamela at nagdepende sa mga sinasabi sa kanila ni Anthony.
Aniya: “I didn’t know. I was in the dark. I didn’t know. I had no idea.
“God knows ilang beses akong nagtanong. Ilang beses akong nanghingi ng statement.
“Dun ko rin na-realize, bakit ganun yung actions ni Jam. Now I get her.
“I get her pain. I get her wrath. I get her anger.
“Kaya pala ganun cause she was clueless about everything. I was clueless about everything.
“We both believed kung ano ang mga nasabi sa amin. Maybe iba yung sinabi sa kanya, and I can attest na iba yung sinasabi sa akin.”
